ՀՀ նախագահը որպես վկա ՍԴ չի ներկայանա. Հրայր Թովմասյանի միջնորդությունը կրկին մերժվեց
Սահմանադրական դատարանը երկրորդ անգամ մերժեց Հրայր Թովմասյանի կողմից արված նոր միջնորդությունը, որով նա առաջարկում էր որպես վկա ներգրավել ՀՀ նախագահ Արմեն Սարգսյանին:
Այս մասին հայտնեց ՍԴ նախագահ Արման Դիլանյանը՝ ընդմիջումից վերադառնալուց հետո:
Երեկ ՍԴ դատավոր Հրայր Թովմասյանը հայտարարել էր, որ Հանրապետության նախագահը պետք է պարզաբանի, թե ինչ պարագայում, ինչ պայմաններում է որոշել ընտրությունները նշանակել հունիսի 20-ին՝ մի օր, որի մասին նախապես հայտարարել էր վարչապետը: Այս միջնորդությանը դեմ էր արտահայտվել դատավոր Վահե Գրիգորյանը:
Այսօր Հրայր Թովմասյանը կրկին ներկայացրեց այս միջնորդությունը` այլ հիմնավորում ներկայացնելով:
