Որտեղ է Քաջարանի համայնքապետ Մանվել Փարամազյանը, ում ԱԱԾ-ն բերել էր Երևան

Քաջարանի համայնքապետ Մանվել Փարամազյանը ՀՀ ԱԱԾ Քննչական դեպարտամենտում չի գտնվում։ Այս մասին ֆեյսբուքյան իր էջում գրել է նրա փաստաբան Երվանդ Վարոսյանը։

«Նրա գտնվելու վայրի մասին որեւէ հստակ տեղեկություն չի տրամադրվում։

Մարդու իրավունքների պաշտպանի գրասենյակին ԱԱԾ քննչական դեպարտամենտից տեղեկացրել են, որ նա պետք է ներկայացվի դեպարտամենտ, սակայն, թե երբ` անհայտ է»,- գրել է նա։

Հիշեցնենք, որ այսօր առավոտից ԱԱԾ աշխատակիցները խուզարկություն են իրականացնում Քաջարանի քաղաքապետի բնակարանում եւ ավտոմեքենայում, այնուհետեւ նա բերման է ենթարկվել։ Խուզարկություններ են իրականացվել նաեւ Զանգեզուրի պղնձամոլիբդենային կոմբինատում, որից հետո ձերբակալվել է մեկ անձ։