ԱՄՆ Պետդեպարտամենտը Ռուսաստանը ներառել է այն երկրների ցուցակում, որտեղ մարդկանց շահագործում են
Պետդեպարտամենտը հինգշաբթի օրը հրապարակված զեկույցում մեղադրում է Ռուսաստանին Հյուսիսային Կորեայի աշխատավորների հարկադիր շահագործմանը «ակտիվորեն օժանդակելու» մեջ։ Ռիա Նովոստիի փոխանցմամբ՝ Պետդեպը Ռուսաստանն ընդգրկել է 11 երկրների ցուցակում, որտեղ իշխանությունները խախտում են ԱՄՆ ընդունած հակաթրաֆիքինգի նորմերը:
Պետդեպարտամենտը պնդում է, որ Ռուսաստանը շարունակել է 2020 թվականին ընդունել Հյուսիսային Կորեայի քաղաքացիներին ՝ նրանց տրամադրելով գրեթե 3000 նոր տուրիստական և ուսանողական վիզա:
ԱՄՆ-ը սա ընկալում է որպես փորձ ՄԱԿ-ի Անվտանգության խորհրդի բանաձևերը շրջանցելու համար, որոնք կոչված են լուծարել Հյուսիսային Կորեայի աշխատանքային ճամբարները արտասահմանյան երկրներում:
