Գնդապետ Արգամ Գևորգյանը զորացրվել է իր զեկուցագրի հիման վրա․ ՊՆ
«ՀՀ ԶՈՒ N զորամասի հրամանատար, գնդապետ Ա. Գևորգյանը, զորացրվել է իր զեկուցագրի հիման վրա, զինվորական ծառայության երկարամյա կենսաթոշակի իրավունք ձեռք բերելու կապակցությամբ»,- այս մասին Auroranews- ի հետ զրույցում հայտնեցին Պաշտպանության նախարարությունից։
Հիշեցնենք՝ ավելի վաղ լրատվականները հայտնել էին, որ խոսքը վերաբերում է Մեղրիի և Մեհրաբի գնդերի հրամանատարներ Արգամ Գևորգյանին և Արտակ Թադևոսյանին։ Արգամ Գևորգյանը վերականգնվել էր պաշտոնին հունիսի 25-ին։ Արգամ Գևորգյանին վերականգնելուց հետո դարձյալ ազատել են աշխատանքից։
Նշվում էր, որ վերջիններիս նկատմամբ ծառայողական քննություն իրականացնելն, ըստ մամուլում տարածված լուրերի, պայմանավորված էր այն հանգամանքով, որ նրանք մերժել են Նիկոլ Փաշինյանի օգտին ձայներ ապահովելու առաջարկը։
