Վրաստան է ներկրվել առողջության համար վտանգավոր հավի միս

Վրաստանի Անասնաբուժական սահմանի վերահսկողության արդյունքների համաձայն, «Փոթիի նավահանգստի» մաքսակետում առգրավվել է 82,5 տոննա սառեցված թռչնամիս: Jnews-ի հաղորդմամբ, այս մասին ասվում է Վրաստանի ֆինանսների նախարարության Եկամուտների ծառայության հաղորդագրության մեջ:

Սառեցված հավի մսի մեջ հայտնաբերվել են «մարդու առողջության համար վտանգ ներկայացնող վնասակար օրգանիզմներ»: Գերատեսչությունից չեն նշել, թե որ երկրից է ներմուծվել խմբաքանակը:

Վրաստանի Սննդի ազգային գործակալության հրամանով արտադրող ընկերուան համար դադարեցվել է երկիր ապրանք ներմուծելու իրավունքը մեկ տարի ժամկետով, իսկ արտադրանքը վերամշակվել է: