Հայաստանն ընտրվեց ՄԱԿ ԶՀԿ գործադիր խորհրդի անդամ
Հունիսի 3-ին Աթենքում տեղի ունեցած ՄԱԿ ԶՀԿ (Զբոսաշրջության համաշխարհային կազմակերպություն) Եվրոպայի տարածաշրջանի 66-րդ նիստի շրջանակներում կայացած քվեարկության արդյունքում՝
Հայաստանն ընտրվեց ՄԱԿ ԶՀԿ գործադիր խորհրդի անդամ 2021-2025թթ. ժամանակահատվածի համար, ինչը կնպաստի Հայաստանի՝ Եվրոպայի տարածաշրջանում դիրքերի բարելավմանը եւ ճանաչելիության բարձրացմանը։
Սա նաեւ հնարավորություն է ամրապնդելու համագործակցությունը խորհրդի անդամ այլ պետությունների հետ։
Որոշվեց 2022 թ․-ին ՄԱԿ ԶՀԿ Եվրոպայի տարածաշրջանային հանձնաժողովի 67-րդ նիստը անցկացնել Հայաստանում:
Նիստին մասնակցել է ՀՀ էկոնոմիկայի նախարարության Զբոսաշրջության կոմիտեի նախագահի պարտականությունները կատարող Ալֆրեդ Քոչարյանը։
