Ուհանի վարակաբանության ինստիտուտի երեք գիտնական լուրջ հիվանդությամբ էին տառապում 2019-ի նոյեմբերին

Առնվազն երեք չինացի գիտնական Ուհանի վարակաբանության ինստիտուտից լուրջ հիվանդությամբ էին տառապում 2019-ի նոյեմբերին: Այս մասին հայտնում է The Wall Street Journal-ը՝ վկայակոչելով ամերիկյան հետախուզության տվյալները:

Հրապարակման համաձայն՝ «2019-ի նոյեմբերին Ուհանի վարակաբանության ինստիտուտի երեք հետազոտող այնքան ծանր հիվանդ էր, որ ստիպված էին բուժվել հիվանդանոցում»:

Միևնույն ժամանակ, աղբյուրը չի պնդում, որ գիտնականներն ուղղակիորեն հիվանդ էին COVID-19-ով:

«Այնուամենայնիվ, տեղեկատվությունն այն մասին, որ կորոնավիրուսի հետ աշխատող նույն թիմի անդամները նույն հիվանդանոց են ընդունվել նույն ախտանիշներով համավարակի մեկնարկից անմիջապես առաջ, կարող է չափազանց կարևոր լինել», - ընդգծում է հրատարակությունը: