Երեկվա փոթորիկի հետևանքով նախկին պատգամավորի ընտանիքը տասնայկ միլիոնների վնաս է կրել

Երեկ՝ մայիսի 23-ին, հանրապետությունում տեղի ունեցած ուժեղ քամու և փոթորկի հետևանքով խոշոր չափի վնաս է պատճառվել նաև ԱԺ նախկին պատգամավոր, հանգուցյալ Հակոբ Հակոբյանին պատկանող շենք-շինություններին։ 

Ինչպես հայտնում է ֆոտոլրագրող Գագիկ Շամշյանը, փոթորկի հետևանքով «Զվարթնոց» հյուրանոցային համալիրի հարևանությամբ գտնվող մոտ 200 մետր երկարության շինության թիթեղյա տանիքը քամին պոկել ու շպրտել է մի քանի մետր։ Թիթեղների որոշ հատվածներ շպրտվել են 100-150 մետր, մի քանի թիթեղներ էլ կպել էին հարևանությամբ տեղադրված բարձրավոլտ էլեկտրալարերին։ Օպերատիվորեն ժամանել են «Հայաստանի էլեկտրական ցանցեր» ընկերության «Մուսալեռ» մասնաճյուղի աշխատակիցները, ովքեր վերացնում են խնդիրը և հեռացնում են թիթեղները։