Լուկաշենկոն Բելառուսի ուժայիններին թույլ է տվել զենք օգտագործել հանրահավաքների ժամանակ
Բելառուսի նախագահ Ալեքսանդր Լուկաշենկոն օրենք է ստորագրել, ըստ որի սահմանվում է «ֆիզիկական ուժի, հատուկ միջոցների, զենքի, ռազմական ու հատուկ տեխնիկայի օգտագործման պայմաններն ու սահմանները»:
Այսպիսով, հանրապետության ներքին գործերի մարմիններն այսուհետ իրավունք են ստանում «զանգվածային անկարգությունները ճնշելու գործում ռազմական ու հատուկ սարքավորումներ օգտագործել»: Նրանք այժմ իրավունք ունեն նաև արգելել քաղաքացիներին տեսանկարահանել և լուսանկարել, ինչպես նաև ձայնագրել տեղի ունեցողը: Օրենքի հիմնական դրույթներն ուժի մեջ են մտնում պաշտոնական հրապարակման պահից մեկ ամիս անց:
