Ռուսատանը հիասթափված է Գերմանիայից

Ռուսաստանը հիասթափված է  ԵԽ նախագահող երկրի՝ Գերմանիայի պահվածքից: Բեռլինը փորձել է հանդես գալ որպես հակառուսական ուժերի առաջնորդ, այլ ոչ թե համաեվրոպական կազմակերպության: Այսպիսի գնահատական է տվել ՌԴ Արտաքին գործերի նախարարության պաշտոնական ներկայացուցիչ Մարիա Զախարովան  Գերմանիայի քաղաքականությանը, գրում է ՏԱՍՍ-ը:

«Մենք հիասթափված ենք այս կառույցում Գերմանիայի նախագահությունից, որի ձեռքով է կազմակերպվել այս հարձակումը մեր երկրի վրա: Ամբողջ վեց ամիսների ընթացքում Բեռլինն իրեն պահել է ոչ թե որպես համաեվրոպական կազմակերպության առաջնորդ, այլ որպես հակառուսական ուժերի առաջատար՝ դաշինքի շահերը վեր դասելով ԵԽ կանոնադրական նպատակից, այն է՝ ամրապնդել միասնությունն իր անդամների միջև»,-ասել է Զախարովան: