Ռազմական բախում սադրելու մասին Ադրբեջանը հայտարարեց մայիսի 16-ին՝ 15 հազար զինծառայողների մասնակցությամբ զորավարժությամբ

Փաշինյանի խոսքով՝ ադրբեջանիցների արածը սադրանք է, որը կարող է ունենալ ավելի ընդարձակ ռազմաքաղաքական նպատակներ, հավելելով, որ հնարավոր է ադրբեջանիցները հատել են հայ-ադրբեջանական սահմանը ոչ թե տեղային խնդիրներ լուծելու համար, այլ՝ ռազմական բախում սադրելու:

«Սրա մասին են վկայում հետևյալ փաստերը՝ տվյալ տեղանքում իրենց գտնվելը ադրբեջանական զինուժի ներկայացուցիչները փորձում են բացատրել ակնհայտորեն կեղծված քարտեզների միջոցով, դրանցով փորձելով հիմնավորել թե դա ադրբեջանական տարածք է: Ինչպես արդեն նշել եմ՝ խորհրդային միության ժամանակ հաստատված քարտեզները միանշանակ են դարձնում, որ Ադրբեջանի այդ պնդումները որևէ հիմք չունեն, ինչի մասին հենց իրենք էլ գիտեն: 

Երկրորդ՝ սադրանքների մեկնարկի օրը Ադրբեջանը հայտարարեց մայիսի 16-ին 15 հազար զինծառայողների մասնակցությամբ լայնածավալ զորավարժություններ անցկացնելու մասին: 

Երրորդ՝ դեռևս ապրիլի վերջին Ադրբեջանի նախագահը Հայաստանի տարածքային ամբողջականության նկատմամբ բացահայտ սպառնալիքներով հանդես եկավ,ասելով, որ ուժի գործադրմամբ միջանցք կբացի Ադրբեջանի և Նախիջևանի միջև, ինչպես ինքն է հորջորջում՝ Զանգեզուր միջանցքի տեսքով»,-նկատեց Նիկոլ Փաշինյանը: