Ինչ է մնացել Հայաստանի 29 հազար կմ-ից․ մեկնաբանում են ԱԱԾ նախկին սպաները

Պատերազմից հետո Հայաստանում ձևավորվել է նոր սահման՝ Արաքսի ափից մինչև Վարդենիս, չեմ կարող ասել 29- հազար ք/կմ –ից ինչ է մնացել, սակայն այն, ինչ հիմա արվում է սահմանին՝ սխալ է։ Այս մասին այսօր լրագրողների հետ զրույցում ասաց ԱԱԾ պահեստազորի սպաների միություն ՀԿ անդամ Արմեն Աբրահամյանը՝ անդրադառնալով հարցին, թե ինչ է մնացել 29 հազար քառակուսի կիլոմետրից։ 

«Լսել եք, որ դեմարկացիա է արվում, սակայն այդ գործընթացը այդպես չեն անում, պետք է լինի հանձնաժողով, որտեղ պետք է լինեն ԱԳՆ-ի, Կադաստրի գեոդեզիայի ինստիտուտի անդամները, սակայն թողնել դա զինվորականներին, որ իրենք զինված այդ հարցը լուծեն, սա սխալ է, դա այնքան լուրջ հարց է, որ չի կարելի դա թողնել զինվորականներին»։