Ինչպե՞ս պայքարել ցեղասպանության դեմ՝ ժխտողականության դեմ չպայքարելով. Ֆրանսիայի խորհրդարանի պատգամավոր Վալերի Բուայե
Ֆրանսիայի խորհրդարանի պատգամավոր Վալերի Բուայեն Հայաստանում է: Ֆեյսբուքյան իր էջում նա լուսանկար է հրապարակել Ծիծեռնակաբերդի բարձունքից` կից գրելով.
«Հայաստանում ենք՝ Ծիծեռնակաբերդում՝ Գի Թեյսերի, Ֆրանսուա Պուպոնիի, Մարգըրիտ Դեպրես-Օդեբերտի, Քսավիեր Բրետոնի և Ժան-Պիեռ Կուբերտաֆոնի հետ` Հայոց ցեղասպանության հիշատակման արարողությունների համար: Մեկնելուց առաջ ես խնդրեցի Սենատի նախագահ Ժերար Լարշեին՝ Հայոց ցեղասպանության ժխտումը քրեականացնելու համար ստեղծել աշխատանքային խումբ:
Ավելի քան մեկ դար առաջ Կլեմանսոն գրել է. «Դարձյալ սկսում ենք խոսել Հայաստանի վիլայեթներում նոր աղետների մասին: Մենք գիտենք, թե այս բառն ինչ է նշանակում. սա հայերի մեթոդական սպանդի պաշտոնական էվֆեմիզմն է՝ մեղմասացությունը»։
Այսօր մենք պետք է ամբողջովին վերաիմաստավորենք ժխտողականությունը, որը ոչ ավել, ոչ պակաս, ցեղասպանության հանցագործությանը մասնակցություն է: Ինչպե՞ս իրականում պայքարել ցեղասպանությունների դեմ՝ ժխտողականության դեմ չպայքարելով»,- գրել է նա:
