Դատարանը անվավեր է ճանաչել Ալբերտ Ունուսյանին ոստիկանությունից ազատելու Արման Սարգսյանի հրամանը
Դատարանն անվավեր է ճանաչել ոստիկանության նախկին ծառայող Ալբերտ Ունուսյանին ծառայությունից ազատելու հրամանը, այս մասին Ունուսյանը հայտնում է իր ֆեյսբուքյան էջում.
«Եկանք, տեսանք, հաղթեցինք
Դատարանը վճռեց անվավեր ճանաչել ինձ ծառայությունից անհիմն ազատելու ոստիկանապետ Արման Սարգսյանի 1211-Ա ծիծաղալու հրամանը՝ ոստիկանությանը պարտադրելով մասնակի փոխհատուցել աշխատավարձն ու վերականգնել նախկինում զբաղեցրած պաշտոնին:
Ինձ համար սկզբունքային էր իմ անունը վարկաբեկող այդ խայտառակ հրամանի անվավեր ճանաչումը:
Անչափ շնորհակալ եմ փաստաբան Տիգրան Աթանեսյանին ինձ համար այդ սուրբ գործում զինակցելու և զորավիգ լինելու համար:
Ծառայում եմ Հայաստանի Հանրապետությանը: Պատիվ ունեմ», - գրել է Ալբերտ Ունուսյանը։
Հիշեցնենք՝ ինչպես նշում էր Ունուսյանն, իրեն ծառայությունից ազատվել էին իշխանության ընդդիմախոսներից մեկի ծննդյան օրը շնորհավորելու համար։
