«Գնալով անխուսափելի է դառնում ռուս-թուրքական ռազմական բախումը»․ Կարեն Հովհաննիսյան
Ռազմական փորձագետ Կարեն Հովհաննիսյանը ֆեյսբուքյան իր էջում գրել է. «Ռուս-թուրքական հակամարտությունը հիմա էլ տեղափոխվել է Ուկրաինա։
Գնալով անխուսափելի է դառնում ռուս-թուրքական ռազմական բախումը։ Հանուն արդարության՝ պետք է ասեմ, որ Ռուսաստանն ամեն ինչ անում է, որպեսզի չլինի այդ բախումը, իսկ Թուրքիան՝ հակառակը, ամեն ինչ անում է, որպեսզի օր առաջ լինի այդ բախումը։ Սիրիայում, Արցախում, Ուկրաիանյում, Լիբիայում Ռուսաստանը և Թուրքիան տարբեր խրամատներում են և արտաքուստ ժպիտով դիվանագիտությունն անգամ արդեն լարված ժեստերը չի թաքցնում։
Ինքս կանխատեսել եմ մոտ շրջանում ռուս-թուրքական ռազմական բախում։ Այդ բախումը պետք է վերջ դնի երկարատև ռազմական գործողություններին, դրա համար այն լինելու արյունալի, և երկու կողմն էլ ձգտելու է ռազմական հաղթանակի, քանի որ գործողություններին հաջորդելու է երկարաժամկետ խաղաղություն»։
