Սպասվում է կարճատև անձրև ու ամպրոպ. եղանակի տեսություն
Օդերևութաբանները ներկայացրել են առաջիկա օրերի եղանակային կանխատեսումները Հայաստանի և Արցախի համար։
ՀՀ ԱԻՆ «Հիդրոմետ» ծառայությունը հայտնում է, որ հանրապետության տարածքում ապրիլի 2-3-ն առանձին շրջաններում սպասվում են կարճատև տեղումներ, հնարավոր է ամպրոպ: Ապրիլի 4-6-ը սպասվում է առանց տեղումների եղանակ:
Քամին հարավ-արևմտյան է՝ 2-5 մ/վ արագությամբ: Օդի ջերմաստիճանն ապրիլի 5-6-ը կբարձրանա 5-6 աստիճանով:
Եղանակի կանխատեսում
Երևան քաղաքում ապրիլի 2-3-ը քաղաքի առանձին հատվածներում հնարավոր է կարճատև անձրև և ամպրոպ: Ապրիլի 4-6-ը սպասվում է առանց տեղումների եղանակ:
Մայրաքաղաքում ապրիլի 2–ի գիշերը սպասվում է 5-7 աստիճան տաքություն, իսկ ցերեկային ժամերին կգրանցվի +15...+17 աստիճան։
