Պատգամավորներից մեկի քվեաթերթիկի վրա գրված է եղել «վնգստացողներ». Կոստանյան
Այսօր ԱԺ պատգամավորները 87 ձայնով Վճռաբեկ դատարանի դատավոր ընտրեցին Արսեն Մկրտչյանին: Ավելի ուշ լրատվամիջոցներից մեկը նյութ հրապարակեց, որ քվեաթերթիկներից երկուսի վրա հայհոյանք է գրված եղել թեկնածու Արսեն Մկրտչյանի հասցեին, իսկ քվեաթերթիկներից մեկի վրա գրված է եղել «վնգստացող»:
Analitik.am-ի հետ զրույցում ԱԺ հաշվիչ հանձնաժողովի անդամ, «Լուսավոր Հայաստան» խմբակցության պատգամավոր Աննա Կոստանյանն ասաց, որ հայհոյանք պարունակող գրառման մասին որևէ բան չի կարող ասել, քանի որ նման բան չի տեսել. «Մեկ քվեաթերթիկ եմ ֆիքսել, որի վրա երկու թեկնածուների անունների դիմաց նշում չի եղել, սակայն մի փոքր կողք գրված է եղել «վնգստացողներ»»,-ասաց նա:
