Նոր տրանսպորտային գիծն Ադրբեջանը կկապի Նախիջևանի հետ. Բայրամով
Տրանսպորտային ենթակառուցվածքի շինարարությունը դրական ազդեցություն կունենա Հարավային Կովկասի տնտեսության զարգացման վրա: Այս մասին, ինչպես հայտնում է Minval.az-ը, հայտարարել է Ադրբեջանի ԱԳ նախարար Ջեյհուն Բայրամովը:
«Մենք հետհակամարտային վերականգնման և խաղաղ գոյակցության նոր էջ ենք բացում: Այստեղ առանցքային հարցերից է Հայաստանի և Ադրբեջանի միջև 2020 թ. նոյեմբերի 10-ին ստորագրված եռակողմ փաստաթղթի համաձայն ձեռք բերված պայմանավորվածությունների կատարումը: Դա տարածաշրջանում ամուր խաղաղության, անվտանգության, կայունության և զարգացման միակ ճանապարհն է»,- ասել է նա:
Լեռնային Ղարաբաղում խաղաղապահների դերին անդրադառնալով՝ Բայրամովը նշել է.
«Ռուս խաղաղապահները հետհակամարտային գոտում տեղակայված են՝ համաձայն 2020 թ. նոյեմբերի 10-ին ՀՀ, ՌԴ և Ադրբեջանի ղեկավարների միջև ստորագրված եռակողմ պայմանավորվածության»:
Ադրբեջանի ԱԳ նախարարը նաև նկատել է, որ նոր տրանսպորտային գիծն Ադրբեջանը կկապի Նախիջևանի հետ, ինչը կբարելավի Հարավային Կովկասի և հարևան երկրների միջև կապը:
