Միրզոյանն առաջարկեց կողմ քվեարկել ռազմական դրությունը հանելու նախագծին

ԱԺ նախագահ Արարատ Միրզոյանը բացարձակապես անհիմն է համարում պնդումները, որ ռազմական դրության մինչ այս պահը և հետագա հնարավոր երկարաձգումն ունի որևէ քաղաքական, ներքաղաքական դրդապատճառ:

«Լավագույն լուծումը կլիներ, եթե կառավարությունն ամփոփեր ռազմական դրությամբ պայմանավորված իր աշխատանքները, ինքը նախաձեռներ ռազմական դրությունը հանելը: Բոլորս ակնհայտորեն ընդունում ենք, որ հայտարարված են ընտրություններ և մոտ ապագայում, այսպես թե այնպես, կառավարությունը կամ կառավարող մեծամասնությունը պետք է նախաձեռներ այս գործընթացը և ռազմական դրությունը հանվեր», - նկատեց Միրզոյանը:

ԱԺ նախագահն առաջարկեց ընդառաջել խորհրդարանական ընդդիմության նախաձեռնությանը և վաղը կողմ քվեարկել ռազմական դրությունը հանելու մասին նախագծին: