Գիշերը Վրաստանի արևմուտքում երկրաշարժ է գրանցվել

Վրաստանի Սեյսմիկ մոնիտորինգի ազգային կենտրոնի տվյալներով՝ Թբիլիսիից 147 կիլոմետր հեռավորությամբ գտնվող Ռաճայի մունիցիպալիտետում գիշերը 3 մագնիտուդ ուժգնությամբ երկրաշարժ է տեղի ունեցել:

Ստորգետնյա ցնցումները գրանցվել են տեղական ժամանակով 01: 10-ին: Երկրաշարժի էպիկենտրոնը գտնվել է 4 կմ խորության վրա:

Զոհերի կամ ավերածությունների մասին տեղեկություններ չկան:

Վրաստանը միջին սեյսմիկ ակտիվության երկիր է: Վրաստանում գրանցված ամենահզոր երկրաշարժը ՝ 7 մագնիտուդ ուժգնությամբ, տեղի է ունեցել 1991 թվականին Ռաճայի և Իմերեթիի շրջաններում (Արևմտյան Վրաստան): Երկրաշարժի հետևանքով մահացել էր շուրջ 200 մարդ, ավերվել՝ գրեթե 46 հազար տուն և 1000 արդյունաբերական օբյեկտ: