Վլադիմիր Պուտինը վաղը COVID-ի դեմ կպատվաստվի
Ռուսաստանի նախագահ Վլադիմիր Պուտինը վաղը կպատվաստվի Covid-19-ի դեմ։ Այս մասին հայտնում է Interfax-ը։
«Պատվաստվելը ամեն մարդու անձնական, կամավոր որոշումն է։ Ընդհանուր առմամբ, Ռուսաստանում առաջին բաղադրիչով արդեն 6․3 միլիոն մարդ է պատվաստվել, որից 4․3 միլիոնը ստացել է պատվաստանյութի առաջին և երկրորդ բաղադրիչները»,- ասել է Պուտինը:
Նախագահի մամուլի քարտուղար Դմիտրի Պեսկովը չի հստակեցրել, թե որ պատվաստանյութով է ՌԴ նախագահը պատվաստվելու, սակայն ընդգծել է, որ այն հայրենական արտադրության կլինի։
