Հատուկ դիմակ քթի համար. գիտնականները հակակորոնավիրուսային տարօրինակ դիմակ են ստեղծել

Մեքսիկայում գիտնականները ստեղծել են դիմակ, որը նախատեսված է կորոնավիրուսի դեմ պաշտպանությունն ուժեղացնելու համար: Գյուտի տարբերակիչ առանձնահատկությունն այն է, որ այն հնարավոր է կրել միայն քթի հատվածում: Այս մասին ասվում է Մեքսիկայի կառավարության կայքում:

Դիմակը ստեղծվել է այն նպատակով, որպեսզի ուժեղացնի օրգանիզմի պաշտպանությունը վիրուսի ներթափանցումից, երբ մարդը հանում է սովորական՝ դեմքի մի մասը ծածկող դիմակը: Դա տեղի է ունենում, օրինակ, ատամնաբույժի մոտ այցի ժամանակ կամ սնվելիս: