Նագահանն առարկությունով հետ կուղարկի փաստաթուղթը, հակառակ դեպքում ստացվում է Ալիևի ասածը՝ Հայաստանը մահացած է. Վազգեն Մանուկյան

Բաղրամյան պողոտան շարունակում է փակ մնալ։ Փաշինյանի հրաժարականը պահանջող քաղաքացիները այսօր ևս գիշերելու են այնտեղ։ 
Այս պահին էլ Բաղրամյան պողոտայում տեղի է ունենում «Հայրենիքի փրկության շարժման» հանրահավաքը։ 

Լրագրողների հետ զրույցում «Հայրենիքի փրկության շարժման» միասնական թեկնածու Վազգեն Մանուկյանն ասաց, որ ինքը համոզված է, որ Արմեն Սարգսյանն առարկությունով հետ կուղարկի փաստաթուղթը, հակառակ դեպքում ստացվում է Ալիևի ասածը, որ ասեց Հայաստանը մահացած է և էլ ոտքի չի կանգնի: 

«Համոզված եմ Արմեն Սարգսյանի որոշման մեջ, բայց այնուամենայնիվ, եթե այդպիսի բան չլինի, բանակը պետք է չենթարկվի Նիկոլ Փաշինյանի հարմանագրին, որով ազատվում է Օնիկ Գասպարյանը: Ընդվզումը նշանակում է չենթարկվել անօրինական հրամանին»,-ասաց նա և նշեց, որ թեև Արմեն Սարգսյանը ոչ մեկին ոչ մի բան չի խոստացել, բայց ինքը ներկայացնում է իր կանխատեսումը: 

«Ռազմական հեղաշրջում Հայաստանում գոյություն չունի, ռազմական հեղաշրջումը այն ժամանակ է, երբ բանակը մտնում է քաղաք, վերցնում է իշխանությունը իրեն կամ տալիս ուրիշին, բանակը որևէ գործողություն չի արել, միայն հայտարարել է իր կարծիքը»,-ասաց նա: 

Նա նշեց, որ Նիկոլ Փաշինյանը հենարան չունի և կոչ արեց ոստիկանությանը և ԱԱԾ-ին սատարել բանակին. «Ո՞վ կհամարձակվի զինվորականներին հիմա հետապնդել, Հայաստանում նման ուժ գոյություն չունի»: 

Նա կարևորեց, որ ժողովուրդը վճռական է տրամադրված, սակայն նկատեց՝ պլան Ա-ն աշխատում է, Նիկոլ Փաշինյանը իր հենարանները կորցնում է: