Օրվա լրահոս

Եթե իշխանությունն ինձ տա կարգավիճակ, ես կզբաղվեմ գերիների հարցով, որը նրանք ձախողել են, ինչքան գերիներ վերադարձրել են, դա եղել է միայն ՌԴ նախագահի շնորհիվ, իսկ մեր իշխանություններն այդ հարցում ձախողվել են․ այս մասին Բաղրամյան պողոտայում լրագրողների հետ զրույցում ասել է ԱԱԾ նախկին տնօրեն Արթուր Վանեցյանը: 

«Ես պատրաստ եմ դադարել զբաղվել քաղաքականությամբ, եթե իշխանությունները ինձ տան որևէ կարգավիճակ՝ գերիների և անհայտ կորածների հարցով զբաղվելու համար, բայց մեր երկրի անվտանգային համակարգը քանդված է և տվյալ հարցում չի արվում ոչ մի բան՝ ԱԱԾ-ն, Ոստիկանությունը, բանակը, և մնացած բոլոր կառույցները այսօր զբաղվում են մի գործով՝ իշխանությունը պահելով, իսկ մեր իշխանություններն այս հարցը ձախողել են, նրանք ուղղակի ապաշնորհ են և չեն կարող լուծել այդ հարցը, իսկ այն գերիները, որոնք բերվել են, Ռուսաստանի շնորհիվ է եղել»,- ասաց Արթուր Վանեցյանը: 

Արթուր Վանեցյանը նաև մեկնաբանեց այն հայտարարությունը, որ ընդդիմությունը խոչընդոտել է գերիների վերադարձին: 

«Նոյեմբերի 9-ից հետո անցել է շուրջ 4 ամիս, 4 ամսվա ընթացքում առնվազն 2 ամիսը ընդդիմությունը ոչ մի գործունեություն չի իրականացրել , ինչո՞ւ այդ ժամանակահատվածում որևէ գործողություն չեն արել, ինչո՞ւ են հիմա մեղադրում ընդդիմությանը տվյալ հարցում»,- ասաց նա: 

Նա նաև նշեց՝ Նիկոլ Փաշինյանի պատճառով Սփյուռքում գտնվող մարդիկ ամաչում են իրենց ինքնությունից, իսկ այդ ժամանակ մանիպուլյացիոն գործիքներով Նիկոլ Փաշինյանը պահում է իշխանությունը: 

«Հայ ժողովուրդն այս ապիկար իշխանության պատճառով պարտվել է և հիմա Սփյուռքում ապրող մարդիկ չեն հպարտանում հայ լինելով, չեն ուզում իրենց ինքնության մասին խոսել այսօր։ Նիկոլ Փաշինյանը հենարան չունի, նրա միակ հենարանը մնացել է մանիպուլյացիան, նա մանիպուլյացիայով եկավ իշխանության և այդ նույն սկզբունքով մնում է իշխանության»,- ասաց նա: 

Արթուր Վանեցյանը նաև անդադարձ կատարեց փետրվարի 25-ի Նիկոլ Փաշինյանի հանրահավաքին, մեկնաբանելով՝ շատ մարդիկ եկել էին պաշտոնները չկորցնելու համար: 

«Նիկոլ Փաշինյանի հանրահավաքի մարդկանց կարող ենք բաժանել 2 մասի՝ մոլորված մարդիկ, որոնք մինչ օրս հավատում են Փաշինյանին, և ստիպողաբար գնացած մարդիկ, ովքեր գնացել են պաշտոնները պահելու համար»,- ասաց նա Վանեցյանը: 

Վանեցյանի խոսքով՝ Զինված ուժերում որևէ մեկին ձերբակալելը ֆանտաստիկայի ժանրից է, իսկ ինչ վերաբերվում է նրան, որ ԶՈՒ-ը պետք է կատարեն հրամանները, դա վերաբերվում է խաղաղ պայմանների ժամանակ տրվող հրամաններին, իսկ հիմա երկրում սեպտեմբերի 27-ից սկսած աննորմալ իրավիճակ է: 

«Ո՞վ կարող է այսօր մտնել Զինված ուժերի շտաբ և իրականացնել ձերբակալություն, դա ֆանտաստիկայի ժանրից է, ուժային որևէ գործողություն հնարավոր չէ իրականացնել, այդպիսի բան հնարավոր չէ: Զինված ուժերի ԳՇ-ն միշտ կատարել է իր պարտականությունները և ուսադիր կրողները պարտավոր են կատարել հրամաններ, բայց հրամանները կատարվում են սովորական պայմաններում, սեպտեմբերի 27-ից Հայաստանում աննորմալ իրավիճակ է»,- ասաց նա: 

 

Վերջին նորություններ