Օրական մինչև 30 զինծառայողի մարմին է նույնականացվում. նախարար
Օրական մինչև 30 զինծառայողի մարմին է նույնականացվում։ Այս մասին կառավարությունում լրագրողների հետ զրույցի ժամանակ ասաց ՀՀ առողջապահության նախարար Անահիտ Ավանեսյանը։
Հարցին, թե այս պահի դրությամբ դատաբժշկական փորձաքննության ենթարկված քանի զինծառայողի մարմին կա, նախարարն ասաց․
«Այս պահին կոնկրետ թիվ չեմ հնչեցնի, բայց աշխատանքների տեմպն ապահովում ենք։ 24-ժամյա ռեժիմով աշխատելով՝ օրական մինչև 30 զինծառայողի մարմին ենք նույնականացնում։ Նույնականացման ենթակա մարմինների թիվը նվազում է և շուտով կավարտենք աշխատանքները»։
