Չեմ կարող բացառել, որ Ալիևը և կապիտուլանտը գաղտնի բանակցություններ են ունեցել. Սերժ Սարգսյան

Չեմ կարող բացառել, որ Ալիևը և կապիտուլանտը գաղտնի բանակցություններ են ունեցել: Հայտնի է, թե ովքեր էին վարում այդ բանակցությունները, հայտնի է, որ հայկական կողմից այսպես ասած օպերատիվ կապն ապահովողը նամակ է հանձնել կապիտուլանտին, և նա այդ նամակը չի պատռել,չի ասել՝ այստեղ անընդունելի բաներ կան, այլ ասել է՝ շատ լավ: Այս մասին Armnews հեռուտանընկերությանը տված հարցազրույցում հայտարարել է ՀՀ երրորդ նախագահ Սերժ Սարգսյանը:

Վերջինս նշեց, որ չի կարող պնդել, որ նամակում գումարի առաջարկ է արվել Փաշինայնին, սակայն չի էլ կարող ժխտել. «Իրադարձությունների զարգացումը ամբողջական իրավունք է տալիս յուրաքանչյուրին ողջամիտ կասկած ունենալու: Սխալների այն շարանը, որ տեղի ունեցավ, կա՛մ միտումնավոր էր, կա՛մ դավադրություն էր, կա՛մ ծայրաստիճան տգիտություն: , իսկ այս իշխանությունների պարագայում դա անհնար է»,-ասաց Սերժ Սարգսյանը՝ հավելելով՝ որպեսզի կարողանանք վերջնական եզրակացության հանգել, ապա մենք պարտավոր ենք անցկացնել օբյեկտիվ քննություն:

«Եթե Շուշին «դժգույն, դժբախտ» քաղաք է, եթե Շուշին «հայկական չէ», և եթե մարդն ունի այն ցինիկ համարձակությունը խորհրդարանի ամբիոնից պնդելու այդպիսի հիմարություններ, ես կամ ուրիշները ի՞նչ իրավունքով պետք է բացառենք դավադրությունը»,-ասաց Սերժ Սարգսյանը: