Հայաստանի, Ռուսաստանի և Ադրբեջանի փոխվարչապետներն այսօր հեռավար եղանակով հանդիպել են
Այսօր հեռավար եղանակով կայացել է Հայաստանի, Ռուսաստանի եւ Ադրբեջանի փոխվարչապետների հանդիպումը: Այս մասին Auroranews-ի հետ զրույցում հայտնեցին ՀՀ փոխվարչապետ Մհեր Գրիգորյանի գրասենյակից:
«Հանդիպմանը քննարկվել են համատեղ աշխատանքները»,- հայտնեցին փոխվարչապետի գրասենյակից:
Նիստի ընթացքում քննարկվել է համատեղ աշխատանքի ընթացքը, որը բխում է Հայաստանի Հանրապետության վարչապետի, Ռուսաստանի Դաշնության նախագահի և Ադրբեջանի Հանրապետության նախագահի 2020թ. նոյեմբերի 9-ի հայտարարության 9-րդ կետի, ինչպես նաև 2021թ. հունվարի 11-ի հայտարարության 2, 3, 4 կետերի իրականացումից: Համաձայնեցվել է հետագա աշխատանքի ժամանակացույցը:
