Այսօրվա հանրահավաքը կապ չունի փետրվարի 20-ին կայանալիք հանրահավաքի հետ. Վազգեն Մանուկյան

Նիկոլ Փաշինյանն ինքնակամ չի հեռանալու: Նախ ինքը վախենում է, թե ինչ պատասխան է տալու իշխանությունը կորցնելուց հետո:

Երրորդը՝ չտես մարդիկ եկել են իշխանության ու վայելում են, հեշտ չեն տա իշխանությունը: Այս մասին լրագրողների հետ զրույցում հայտարարեց Վազգեն Մանուկյանը:

Հիշեցնենք, որ արդեն մեկնարկել է Վազգեն Մանուկյանի այսօրվա հավաք-քննարկումը`  Ազատության հրապարակում՝ կապված Սյունիքի մասին վերջին տեղեկությունների հետ, որոնք վերաբերում են ինչ-որ գաղտնի փաստաթղթի:

Մանուկյանը նշեց, որ այս քննարկումը որևէ կապ չունի փետրվարի 20-ին կայանալիք հանրահավաքի հետ, որը մեծ է լինելու:

Ինչ վերաբերում է Փաշինյանին հեռացնելու հարցին, նա հայտարարեց, որ պետք է կոտրել, փչացնել վերջինիս հենարանը. «Նրա հենարանն «Իմ քայլն» է, պետք է աշխատել «Իմ քայլի» հետ: Մի մասը բարձրաստիճան ոստիկաններն են: Մի քանի հենարան կա»: