![ԱԳՆ-ում աղմկահարույց ձերբակալությո՞ւն է սպասվում. մանրամասներ](https://auroranews.am/storage/img/base_image/old/547f8696aa595f7a66aed67bed867b0e.webp)
ԱԳՆ-ում աղմկահարույց ձերբակալությո՞ւն է սպասվում. մանրամասներ
![ԱԳՆ-ում աղմկահարույց ձերբակալությո՞ւն է սպասվում. մանրամասներ](https://auroranews.am/storage/img/base_image/old/547f8696aa595f7a66aed67bed867b0e.webp)
Համացանցում տարածված տեղեկությունների համաձայն՝ Արտաքին գործերի նախարարությունում մեծ սկանդալ է սպասվում:
Մասնավորապես նշվում է, որ ԱԱԾ-ն նյութեր է նախապատրաստում ԱԳՆ գլխավոր քարտուղար Վահագն Մելիքյանի դեմ:
Նույն աղբյուրը հայտնում է, որ քննությամբ ձեռք բերված փաստական տվյալներով պարզվել է, որ Վահագն Մելիքյանը, օգտագործելով պաշտոնական դիրքը, գումարի դիմաց դիվանագիտական տարբեր պաշտոններում նշանակել է տվել իր թեկնածուներին, ներգրավված է եղել մի շարք կոռուպցիոն գործարքներում:
Նշվում է նաև, թե բացի այդ, պարզվել է, որ Հայաստանի դիվանագիտական կորպուսում տարբեր նշանակումների, ներքին գործընթացների մասին արտահոսքերը հենց Մելիքյանն է կազմակերպել:
Մակունցի՝ ԱՄՆ դեսպան նշանակվելու լուրի արտահոսքը ևս Վահագն Մելիքյանն է կազմակերպել հանրային ճնշման տակ վերջինիս նշանակումը կանխելու համար, որպեսզի սեփական թեկնածուին կարողանա անցկացնել:
Վահագն Մելիքյանն առաջիկայում պաշտոնանկ է արվելու, որից հետո ԱԱԾ-ն ձերբակալելու է նրան:
Auroranews-ը տեղեկությունը ճշտելու նպատակով կապ ՀՀ ԱԳՆ մամուլի խոսնակ Աննա Նաղդալյանի հետ: Նա նշեց, որ մեկնաբանություն կտրամադրի քիչ ավելի ուշ:
Տեղեկությունը փորձեցինք ճշտել նաև ԱԱԾ-ից, սակայն այնտեղից էլ նշեցին, որ ինֆորմացիան դեռևս ճշտվում է: