Իսրայելում, անտեսելով կարանտինը, 10 հազար մարդ է հավաքվել հուղարկավորության համար

Իսրայելում ավելի քան 10 հազար օրթոդոքսալ հրեա հավաքվել են հուղարկավորության համար՝ խախտելով կարանտինի պահանջները: Երկրում դեռ գործում են կորոնավիրուսի համաճարակով պայմանավորված սահմանափակումները: Այս մասին հայտնում է The Times of Israel պարբերականը՝ հավելելով, որ ոստիկանությունը որևէ քայլ չի ձեռնարկել:

Հայտնվում է, որ խոսքը վերաբերում է հայտնի ռավվին Սոլովեյչիկին, ով մահացել է 99 տարեկան հասակում, կորոնավիրուսից: Տարբեր գնահատականներով, նրան հրաժեշտ տալու համար հավաքվել է 4-20 հազար մարդ:

Հավելենք, որ Իսրայելում այսօր գործող սահմանափակումների համաձայն, թույլ չի տրվում 10-ից ավելի մարդու հավաքվելը: