Գելենջիկի «պալատի» սեփականատերը գտնվել է
Բիզնեսմեն Արկադի Ռոտենբերգը Mash Telegram-ալիքի հետ զրույցում ասել է, որ Գելենջիկում գտնվող «պալատն» իրեն է պատկանում։
«Հիմա դա արդեն գաղտնիք չի լինի, ես եմ շահառուն։ Բավականին բարդ օբյեկտ էր, շատ վարկատուներ կային, ինձ հաջողվեց շահառու դառնալ։ Դա գտածո է, հիասքանչ վայր», - ասել է Ռոտենբերգը։ Նա խոստովանել է, որ շինությունը հյուրանոց է դառնալու։
Ալեքսեյ Նավալնու ֆիլմը, որը պատմում էր Գելենջիկի «պալատի» մասին, մեծ աղմուկ բարձրացրեց հանրության շրջանում։ Այդ «բացահայտման» հետքերով են գնացել Mash-ի լրագրողները։ Սկզբում նրանք գտել են «պալատը», իսկ հիմա՝ առեղծվածային սեփականատիրոջը։
