ԼՈՒՍԱՆԿԱՐՆԵՐ. Բայդենը Օվալաձև գրասենյակից հեռացրել է Թրամփի՝ Cola-ի կոճակը
Միացյալ Նահանգների 46-րդ նախագահ դարձած Ջոզեֆ Բայդենը, ինչպես իր նախորդներից շատերը, փոխել է Սպիտակ տան Օվալաձև գրասենյակի ներքին հարդարանքը: Այսպիսով, լրագրող Նյուտոն Դանը նշել է, որ Դեմոկրատը սեղանից հանել է դիետիկ կոլայի շտապ զանգի կոճակը, որը տեղադրել էր նախորդ նախագահ Դոնալդ Թրամփը:
«Նախագահ Բայդենը հեռացրեց դիետիկ կոլայի կոճակը: Երբ 2019-ին Թիմ Շիփմանը (The Sunday Times- ի քաղաքական խմբագիրը) և ես հարցազրույց էինք վերցնում Դոնալդ Թրամփից, մենք հիացած էինք, այն բանից, ինչ անում էր փոքրիկ կարմիր կոճակը: Վերջում Թրամփը սեղմել է այն, և սպասավորը արծաթե սկուտեղի վրա արագորեն բերել է դիետիկ Cola: Այժմ դա չկա»,- հինգշաբթի, հունվարի 21-ին, իր Twitter- ում ասել է լրագրողը:
Իր հերթին, AP- ն ուրբաթ, հունվարի 22-ին, հաստատել է, որ Բայդենն ազատվել է կարմիր կոճակից, որը Թրամփն օգտագործել է, երբ ցանկացել է, որ սպասավորն իր համար բերի իր սիրած ըմպելիքը՝ դիետիկ կոլան։
Գործակալությունը նշել է նաև, որ դեմոկրատը նախընտրել է հանրապետականի կարմրաշագանակագույն աշխատանքային աթոռը փոխարինել է մուգ շագանակագույն կաշվից աթոռով: Գրասենյակի պատին հայտնվել է նախորդ նախագահների՝ Ջորջ Վաշինգտոնի, Թոմաս Ջեֆերսոնի, Աբրահամ Լինքոլնի, Ֆրանկլին Դ. Ռուզվելտի, ինչպես նաև հիմնադիր հայր և ֆինանսների նախկին նախարար Ալեքսանդր Հեմիլթոնի դիմանկարների կոլաժը:
Միևնույն ժամանակ, Օվալաձև գրասենյակում այլեւս ցուցադրված չէ Թրամփի սիրելի նախագահ Էնդրյու Ջեքսոնի դիմանկարը, որը ստորագրել էր հնդկացիների վտարման մասին օրենքը:
