Ադրբեջանի պաշտպանության նախարար Զաքիր Հասանովը հանդիպել է Ադրբեջանում Մեծ Բրիտանիայի և Հյուսիսային Իռլանդիայի դեսպան Ջեյմս Շարփի հետ, գրում է vestikavkaza.ru-ն։

Ըստ հաղորդման՝ կողմերը նշել են ռազմատեխնիկական ոլորտում երկու պետությունների միջև համագործակցության մեծ ներուժի առկայությունը և այդ հնարավորությունների ընդլայնման կարևորությունը։ Դեսպանը խոստացել է «ջանքեր գործադրել ռազմական ոլորտում ադրբեջանա-բրիտանական համագործակցության զարգացման համար»:

Նշվում է, որ Շարփը նաև շնորհավորել է Ադրբեջանին՝ «Լեռնային Ղարաբաղում տարած հաղթանակի կապակցությամբ և նշել, որ Մեծ Բրիտանիան կարող է օգնություն ցուցաբերել ազատագրված տարածքների ականազերծման գործում»: