Սիրիացի վարձկանները ավելի շատ վախեցել են ադրբեջանցի զինվորականներից, քան հայերից. լրագրող Լինդսի Սնել
Անկախ լրագրող Լինդսի Սնելը կրկին անդրադարձել է արցախյան պատերազմին Թուրքիայի կողմից վարձկանների ներգրավվածությանը: Twitter-ի իր միկրոբլոգում Սնելը, մասնավորապես, մեջբերել է Ադրբեջան տեղափոխված Համզա դիվիզիայի վարձկաններից մեկի խոսքը:
Վարձկանը պատմել է, որ Թուրքիան ստել է իրենց Ադրբեջան ուղարկելու նպատակի մասին: Նրա հավաստմամբ՝ իրենց հետ թուրք զինվորականներ չեն եղել: Վարձկաններն ավելի շատ վախեցել են իրենց շատ վատ վերաբերվող ադրբեջանցի զինվորականներից, քան հայ զինվորականներից:
Լինդսի Սնելն իր էջում նաև տեսագրություն է հրապարակել, որում վարձկանը պատմում է եղելության մասին:
«Երբ Ադրբեջան հասանք, մեզ ասացին, որ հայերն անհավատ են, և պետք է պաշտպանենք ադրբեջանցիներին: Սակայն մենք չհամաձայնեցինք: Նրանք ասացին, որ Իսլամի թշնամիները՝ հայերը, գրավել են Ղարաբաղը, և մենք պետք է պաշտպանենք մուսուլմաններին Ղարաբաղում: Թուրքերը մեզ հետ չէին, նրանք միայն քաջալերող խոսքեր էին ասում, իսկ մեզ հետ միայն ադրբեջանցիներ էին, որոնք շատ վատ էին վերաբերվում մեզ հետ: Երբ մեզ մարտադաշտ տարան, մենք ավելի շատ վախենում էինք ադրբեջանցիներից, քան հայ զինվորականներից, որովհետև ես տեսել եմ, թե ինչպես են Ղարաբաղում մարդիկ սպանվել՝ ոչ մեկ անգամ: Ես տեսել եմ, թե ինչպես են սիրիացիներ սպանվել:
Նմանատիպ հոդվածներ
Ալիևը հրամանագիր է ստորագրել Ղարաբաղում «նախագահի հատուկ ներկայացուցիչներ նշանակելու մասին»
Ալեքսեյ Նավալնին 30 օրով կալանավորվել է
Դոնալդ և Մելանյա Թրամփները լքեցին Վաշինգտոնը. նրանք չսպասեցին Բայդենի երդմնակալությանը
ԱՄՆ-ում սկսվում է Ջո Բայդենի երդմնակալության արարողությունը
Ավելին Այլ բաժնից
Լուրերը մեկ տողով. Եղանակային կանխատեսումներ, Սամվել Կարապետյանի աջակիցներից՝ բերման ենթարկվածներ, Դուբայի անշարժ գույքի շուկայում՝ անկում
Լուրերը մեկ տողով. ՀՀ ընտրություններին առնչվող նախազգուշացումներ և Մերձավոր Արևելքում աճող լարվածություն
Լուրերը մեկ տողով. Մերձավոր Արևելքի լարվածություն և կադրային փոփոխություն Հայաստանում
