COVID-19-ի դեմ պատվաստանյութը ե՞րբ կմատակարարվի Հայաստան և տարիքային ո՞ր խմբի համար. ԱՆ

ՀՀ առողջապահության նախարարությունը հույս ունի, որ մինչև գարուն Հայաստանը կկարողանա COVID-19-ի դեմ պատվաստանյութ ձեռք բերել, սակայն դեռ հայտնի չէ, թե որտեղից։ Այս մասին 24news-ի հետ զրույցում ասաց ՀՀ առողջապահության նախարարության մամուլի խոսնակ Ալինա Նիկողոսյանը։

Նա ընդծեց, որ Հայաստանը միացել է «COVAX Facility»-ի միջազգային պլատֆորմին, որտեղ բոլոր երկրների արտադրած պատվաստանյութերը գրանցվելու են վերջնական կլինիկական փորձարկումներից հետո։ 

«Պատվաստանյութ է ձեռք բերվելու բնակչության այն 10 %-ի համար, որոնք գտնվում են ռիսկային խմբում»,-ասաց Նիկողոսյանը։

Պատվաստանյութի առաջին չափաբաժնի (բնակչության 3 տոկոսի չափով) մատակարարումը նախատեսվում է 2021 թվականին՝ անվտանգ և արդյունավետ պատվաստանյութերի լիցենզավորումից և կիրառման թույլտվությունից հետո՝ հնարավորինս շուտ։