Սիրիայում ռուս երեք զինվորական է վիրավորվել
Ռուսաստանի ռազմական ոստիկանության զրահամեքենան Իդլիբում գնդակոծվել է թուրքամետ ավազակախմբերի վերահսկողության տակ գտնվող տարածքից, երեք ռուս զինվորականներ թեթեւ վնասվածքներ են ստացել: Այդ մասին ճեպազրույցի ժամանակ հայտնել է Սիրիայում հակամարտող կողմերի հաշտեցման ռուսական կենտրոնի ղեկավարի տեղակալ փոխծովակալ Վյաչեսլավ Սիտնիկը:
«Դեկտեմբերի 21-ին՝ ժամը 15.45-ին, Իդլիբի դեէսկալացիայի գոտու հարավարևելյան մասում գտնվող Թրումբա բնակավայրի շրջանում թուրքական դիտակետի դուրսբերման անվտանգության ապահովման ընթացքում ռուսական ռազմական ոստիկանության զրահամեքենան ԲԹՌ-82Ա հրթիռակոծվել է թուրքամետ հրոսակախմբերի վերահսկողության տակ գտնվող տարածքից։ Հրթիռի ընկնելու հետևանքով երեք ռուս զինծառայողներ թեթև վնասվածքներ են ստացել», – ասել է նա ։
