ՏԵՍԱՆՅՈՒԹ. Ավագանու անդամն առաջարկում է 100 տոկոսով բարձրացնել քաղաքապետի, տեղակալների աշխատավարձերը
2021 թվականին Երեւանի բյուջեում պարգեւավճարների ֆոնդը նախատեսվել է 1 մլրդ 23 մլն դրամի չափով, ինչը նախորդ տարվանից շուրջ 49 տոկոսով պակաս է: Այս մասին այսօր՝ դեկտեմբերի 23-ին, Երեւանի ավագանու նիստում նշեց փոխքաղաքապետ Սերգեյ ներսիսյանը՝ ներկայացնելով քաղաքի հաջորդ տարվա բյուջեի նախագիծը:
Ավագանու «Իմ քայլը» խմբակցությունից Տիգրան Գալստյանը նշեց, որ ինքը կտրկանապես դեմ է պարգեւավճարները որպես աշխտավարձ տալուն: Նա առաջարկեց քաղաքական կամք դրսեւորել ու բարձրացնել աշխատավարձերը 30, 50 եւ 100 տոկոսով. «Առաջարկում եմ քաղաքապետի, նրա տեղակալների, վարչական շրջանների ղեկավարների, նրանց տեղակալների, վարչության պետերի եւ իրենց տեղակալների աշխատավարձը բարձրացնել 100 տոկոսով, բաժնի պետերի եւ իրենց տեղակալների աշխատավարձը՝ 50 տոկոսի չափով, իսկ մնացած աշխատակիցներինը՝ 30 տոկոսի չափով»,-ասաց նա:
