Եկեք համերաշխ ապրենք. Լուկաշենկոն՝ Բելառուսի քաղաքացիներին

Բելառուսի նախագահ Ալեքսանդր Լուկաշենկոն համաքաղաքացիներին կոչ է արել պահպանել երկիրը։ Այս մասին հայտնում է БЕЛТА-ն:

«Ես ուզում եմ, որ դուք հասկանաք իմ դիրքորոշումը, այն անփոփոխ է. Եկեք համերաշխ ապրենք, պահպանենք երկիրը: Եվ մենք կպահպանենք այն, անկախ նրանից, թե դա մեզ ինչ կարժենա, և ոչ թե ինձ համար, ոչ թե նրա համար, այլ արդեն թոռների համար»,-ասել է Լուկաշենկոն Մոգիլևի տարածաշրջանային կլինիկական հիվանդանոցի անձնակազմի հետ հանդիպման ժամանակ:

Լուկաշենկոն հավելել է, որ ինքը ոչ մի գնով չի ձգտում պահել իշխանությունը, բայց չի էլ պատրաստվում հանձնել երկիրը․ «Ես ոչ մի տեղ չեմ փախնի, այնպես որ դուք իմացեք: Ոչ մի տեղ։ Լավ է, որ ժամանակն անցավ և մարդիկ տեսան, թե ով է ցանկանում իշխանություն: Խոսքն իմ մասին չէ»,-ասել է նա: