Երթի մասնակիցները Սուրբ Աննա եկեղեցու բակում խարույկ վառեցին
Ընդդիմության կազմակերպած «անհնազանդության երթը» Երեւանի փողոցներով անցնելուց հետո հասավ Սուրբ Աննա եկեղեցու բակ, որտեղ երթի մասնակիցները խարույկ վառեցին:
Այստեղ խոսքով հանդես եկավ «Հայրենիքի փրկության շարժման» վարչապետի թեկնածու Վազգեն Մանուկյանը՝ նշելով. «Մեր պայքարն իսկապես հայրենիքի համար է, որպեսզի ոտքի կանգնենք ու գնանք առաջ: Նիկոլ Փաշինյան խոչնդոտը պետք է մի կողմ գցել եւ շարունակել գնալ առաջ: Հիմա դուք էլ միկրոֆոնը իրար փոխանցելով փորձեք խորհուրդ տալ, թե ինչ պետք է անել: Մի բան հաստատ է՝ Նիկոլը գնալու է, բլորը բացի իրենից դա գիտեն: Երբեմն մարդիկ ասում են՝ վճռական գործողություն արեք: Հաշվի առեք, որ վճռական գործողությունն այն է, որ այսպիսի երթերի, հանրահավաքների միջոցով ողջ ժողովուրդը լինելու է մի կողմում, Նիկոլը՝ մյուս կողմում: Մենք դա մինեւ հաղթանակ կհասցնենք եւ մեր առջեւ խնդիր կկանգնի երբեմն որոշ հարցեր զրոյից բարձրացնել, նորից դառնալ երկիր, հզորանալ, տարածաշրջանում ունենալ ազդեցություն»:
