YouTube-ը կարգելափակի կամ կհեռացնի կեղծ տեղեկությունները
YouTube-ը կսկսի հեռացնել ԱՄՆ-ի նախագահական ընտրություններում անճիշտ տեղեկատվություն կամ կեղծիքների մեջ մեղադրանքներ պարունակող բովանդակությամբ նյութերը։ Ըստ վիդեոհոսթինգի՝ սեպտեմբեր ամսից ընկերությունը հեռացրել է ավելի քան 8 000 յութուբյան ալիք և հազարավոր վիդեո հրապարակումներ, որոնք տարածում են «կեղծ տեղեկություններ նախորդ ընտրությունների մասին» կամ, այլ կերպ ասած, խախտում են ընկերության քաղաքականությունը:
«Մենք կսկսենք հեռացնել վերբեռնված ցանկացած նյութ, որը կարող է մարդկանց ապակողմնորոշել՝ պնդելով կեղծիքների կամ սխալների մասին, որոնք փոխել են 2020 թվականի նախագահական ընտրությունների արդյունքը», - հայտնել է ընկերության լրատվական ծառայությունը:
