Իլհամ Ալիևը հանդիպել է ԵԱՀԿ Մինսկի խմբի համանախագահներին
Ադրբեջանի նախագահ Իլհամ Ալիևը շաբաթ՝ դեկտեմբերի 12-ին, ընդունել է ԵԱՀԿ Մինսկի խմբի համանախագահներին: Այս մասին ասվում է պետության ղեկավարի պաշտոնական կայքում տեղադրված հաղորդագրության մեջ:
Հանդիպմանը մասնակցում էին ԱՄՆ-ից և Ֆրանսիայից ժամանած խմբի համանախագահներ Էնդրյու Շոֆերը և Ստեֆան Վիսկոնտին, ինչպես նաև Ադրբեջանում Ռուսաստանի Դաշնության արտակարգ և լիազոր դեսպան Միխայիլ Բոչարնիկովը և ԵԱՀԿ գործող նախագահի անձնական ներկայացուցիչ Անջեյ Կասպրշիկը:
Ավելի վաղ ԱՄՆ պետքարտուղարության ներկայացուցիչ Ֆիլիպ Ռիկերը հայտարարել էր այս շաբաթ տարածաշրջան այցելելու համանախագահների ծրագրերի մասին՝ պարզելու, թե ինչպես կարող են նրանք վերադառնալ Ղարաբաղյան կարգավորման շուրջ դիվանագիտական իրենց դերին:
