Լուկաշենկոն Պուտինին համբերություն է մաղթել
Բելառուսի նախագահ Ալեքսանդր Լուկաշենկոն հայտարարել է, որ Ռուսաստանը Եվրասիական տնտեսական միության (ԵԱՏՄ) սահմաններից դուրս հարձակումների է ենթարկվում, փոխանցում է EADaily-ն։
«Հեշտ ժամանակներ չեն։ Դժվար է նախևառաջ մեր մտերիմ ընկեր և եղբայր Ռուսաստանի Դաշնության համար: Դուք տեսնում եք, որ դրսից հարձակումներն ուղղված են Ռուսաստանին, մենք դա Բելառուսում շատ լավ գիտենք»,-ասել է նա ԵՏՄ առաջնորդների գագաթնաժողովում։
Բացի այդ, Լուկաշենկոն իր ռուս գործընկեր Վլադիմիր Պուտինին համբերություն է մաղթել այս բարդ ժամանակներում:
«Ինչպես ասում էր մեր պատվավոր նախագահը (Նուրսուլթան Նազարբաևը) Ռուսաստանը մեր ինտեգրման առանցքն է։ Հետևաբար, համբերություն և կրկին համբերություն ձեզ։ Գիտեք, որ մենք միշտ աջակցել ենք Ռուսաստանին և կաջակցենք, քանի որ առանց նրա հետխորհրդային տարածքում ինտեգրում չի կարող լինել»,- ընդգծել է Բելառուսի նախագահը:
