Տիկին Սամսոնյանը սուտ է խոսել. «Իմ քայլը» խմբակցության պատգամավոր

«Տիկին Սամսոնյանը երեկ փակ նիստի ժամանակ հնչած մի միտք է վերագրել ինձ, որը ես չեմ հնչեցրել, այսինքն՝ սո՛ւտ է խոսել»,- այս մասին այսօր՝ լրագրողների հետ ճեպազրույցի ժամանակ հայտարարեց «Իմ քայլը» խմբակցության պատգամավոր Մարիա Կարապետյանը:

Հիշեցնենք, որ երեկ ԱԺ ամիբիոնից ԼՀԿ պատգամավոր Անի Սամսոնյանը հայտարարել է, որ իշխանական պատգամավոր Մարիա Կարապետյանը կարծում է, որ ռազմագերիների հետ Ադրբեջանում լավ են վարվում:

«Թող գնա Բաքու և մեր ռազմագերիների մասին մեզ տեղեկություններ հայտնի, եթե վստահ է, որ այդքան լավ են վարվում»,- ասել է Սամսոնյանը՝ նշելով, որ նման պատգամավորը խորհրդարանում անելիք չունի: