Զինվորների ծնողները պնդում են, որ ԳՇ պետի տեղակալ գեներալ Անդրանիկ Մակարյանն իմացել է, որ տղաներն առանց զրահաբաճկոն են եղել

Էջմիածնի զորամասի մոտ ակցիա անող անհետ կորած զինծառայողների ծնողները քիչ առաջ մտան զորամասի տարածք, որտեղ այս պահին խոսում են հրամանատար Արսեն Աբգարյանի հետ:

Ծնողներն Աբգարյանից պահանջում են պատասխանել հարցին, թե ինչու են տղաներին առանց զրահաբաճկոն տարել ռազմաճակատ. «Առանց հակագազի, հրաման են տվել քիմմաքրում անել: Առանց զրահաբաճկոն ու կասկա եք տարել»:

«Մեռնեմ սրտիդ, իմացել եմ, որ չեն ունեցել: Հրաման են տվել կատարելու, կատարել ենք: Որոշումը կայացրել է գեներալ-լեյտենանտ Մակարյանը»,-ասաց Աբգարյան Արսենը:

Աբգարյանն ասաց, որ բոլորը տեղյակ են եղել, որ տղաներն առանց զրահաբաճկոն են եղել:

Խոսքն ամենայն հավանականությամբ վերաբերում է ՀՀ ԶՈւ ԳՇ պետի տեղակալ Անդրանիկ Մակարյանին: