Նախարարները կնշանակվեն ռասայի, մաշկի գույնի և սեռի սկզբունքներով. Ջո Բայդեն

Նախնական տվյալներով ԱՄՆ նախագահական ընտրություններում հաղթանակ տարած դեմոկրատ Ջո Բայդենը մտադիր է նախարարական պաշտոններում թեկնածուներին առաջադրել՝ առաջնորդվելով գենդերային հավասարության և տարբեր ռասաների ներկայացուցիչների իրավահավասարության սկզբունքներով: 

Ինչպես նշում է ՏԱՍՍ-ը, նա այս մասին հայտնել է Ուիլմինգտոն քաղաքում ելույթի ժամանակ: 

Քաղաքական գործչին հարցրել են՝ արդյոք նա խոստանում է, որ արդարադատության նախարարության և Պենտոգոնի ղեկավարի պաշտոններում աֆրոամերիկացիների նկշանակի: Բայդենը հրաժարվել է խոստանալ, սակայն վստահեցրել է, որ ինքը կձևավորի նախարարների ամենաբազմազան կաբինետը՝ առաջներդվելով ռասայի, մաշկի գույնի և սեռի սկզբունքներով: 

Հիշեցնենք, որ ըստ նախնական տվյալների՝  ընտրություններում հաղթել է դեմոկրատ Ջո Բայդենը, սակայն գործող նախագահը պնդում է, որ տեղի են ունեցել բազմաթիվ խարդախություններ, որոնց հետևանքով իրենից հաղթանակը գողացվել է: