Վրաստանը բացել է օդային տարածքը ռուս խաղաղապահների համար
Վրաստանի վարչապետի հատուկ ներկայացուցիչ Զուրաբ Աբաշիձեն РИА Новости-ին ասել է, որ վրացական կողմը, Բաքվի և Երևանի խնդրանքով, բացառության կարգով թույլատրել է իր օդային տարածքի օգտագործումը սահմանափակ ժամանակով ռուսական ինքնաթիռների համար, որոնք իրենց զորամիավորման մասը Լեռնային Ղարաբաղ են տեղափոխում որպես խաղաղապահ առաքելություն:
«Ե՛վ ադրբեջանական, և՛ հայկական կողմի խնդրանքի հիման վրա, որպես բացառություն, ռուս խաղաղապահների զորախմբի մի մասը նախապես պայմանվորված, սահմանված և սահմանափակ ժամկետով կտեղափոխվի առճակատման գոտի Վրաստանի օդային տարածքով: Այս մասին մեր գործընկերներին տեղեկացվել է», - ասել է Աբաշիձեն:
