Գեղամ Մանուկյանն ու Արթուր Վանեցյանն ԱԱԾ-ում են, Գագիկ Ծառուկյանն այնտեղ է արդեն 8 ժամ

ՀՅԴ անդամ Գեղամ Մանուկյանը քիչ առաջ բերման է ենթարկվել ՀՀ ազգային անվտանգության ծառայություն։ Այս տեղեկությունը NEWS.am-ին հաստատեց Մանուկյանի փաստաբան Գարիկ Սահակյանը։ 

Նշենք, որ այս պահին ԱԱԾ-ում են նաեւ «Հայրենիք» կուսակցության ղեկավար Արթուր Վանեցյանը եւ «Բարգավաճ Հայաստան» կուսակցության առաջնորդ Գագիկ Ծառուկյանը։ 

Հիշեցնենք, որ Վանեցյանն այսօր ԱԱԾ է հրավիրվել երկու անգամ։ Նա առաջին անգամ հարցաքննվել է վկայի կարգավիճակով. ճեպացրույցից հետո նա կրկին հրավիրվել է ԱԱԾ։ 

Նշենք, որ Գագիկ Ծառուկյանին ԱԱԾ են տարել մինչեւ այսօրվա հանրահավաքի կայանալը. նա այնտեղ է արդեն շուրջ 8 ժամ։