Կապի միջոցները հավաքում ենք՝ զինվորի անվտանգությունն ապահովելու համար. Հովհաննիսյան
ՀՀ ՊՆ ներկայացուցիչ Արծրուն Հովհաննիսյանը Ազատության ֆեյսբուքյան ասուլիսի ժամանակ դարձյալ կոչ արեց խուսափել հեռախոսներ, սմարթֆոններ օգտագործելուց՝ հենց զինծառայողների անվտանգության նկատառումներից ելնելով:
«Վերջին շրջանում արդեն օրենքի ուժով ձեռքերից հավաքում ենք կապի միջոցները: Շատերիդ հորդորում եմ հանգստություն պահպանել, երբ մի քանի օր լուր չեք ունենում: Իհարկե, ցավոք, լինում են դեպքեր, որ զոհվել են, բայց զինծառայողների մեծ մասին մենք արգելել ենք խոսել, քանի որ իրենց կյանքը դա վտանգում է»,- ասաց նա:
Հովհաննիսյանը նշեց՝ ունեն հստակ փաստեր, որ Ադրբեջանը օգտագործում է զինատեսակներ, որոնք բջջային կապի ալիքների վրա են գալիս:
