Լուծումը բազմազգ խաղաղապահ ուժերի կամ դիտորդների ներգրավումն է. Ռոբերտ Օ՛Բրայեն

ԱՄՆ նախագահի ազգային անվտանգության հարցերով խորհրդական Ռոբերտ Օ՛Բրայենը Կալիֆոռնիայում հայ համայնքի հետ հանդիպման ժամանակ խոսել է հակամարտության գոտում խաղաղապահներ ներգրավելու գաղափարի մասին: Ըստ նրա՝ խաղաղապահների ներգրավման դեպքում դրանք չեն կարող լինել ո՛չ ԵԱՀԿ Մինսկի խմբի համանախագահող երկրներից, ո՛չ էլ Թուրքիայից:

«Լուծումը բազմազգ խաղաղապահ ուժերի կամ դիտորդների ներգրավումն է: Իհարկե, որևէ խաղաղապահ առաքելություն չպետք է ներառի ԵԱՀԿ Մինսկի խմբի համանախագահ երկրները, այդ թվում՝ ԱՄՆ-ը կամ հարևան երկրները: Թուրքիայի կողմից ցանկացած տիպի միջնորդություն խաղաղապահ առաքելությունում չի դիտարկվի ո՛չ ԱՄՆ-ի, ո՛չ էլ Հայաստանի կողմից: Կարծում ենք, որ երկու կողմն էլ պետք է ընդունեն սկանդինավյան խաղաղապահներին, և մենք աշխատում ենք սկանդինավյան կառավարությունների հետ՝ կազմելու խաղաղապահ ուժեր, որոնք կարող են տեղակայվել տարածաշրջանում՝ հրադադարը պահպանելու համար»,- ասել է Օ՛Բրայենը հայ համայնքի հետ հանդիպման ժամանակ: