Հրադադարի վերահսկողության մեխանիզմ չի մշակվում.Մարիա Զախարովա
Հակամարտության կողմերը դեռևս հրադադարի վերահսկողության մեխանիզմ չեն մշակում, չնայած որ դա անհրաժեշտ է։ Այս մասին լրագրողների հետ հանդիպման ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան։ Փոխանցում է Regnum.ru-ն։
Լեռնային Ղարաբաղի հարցում Մոսկվայի դիրքորոշման մասով Զախարովան ասել է, որ Հայաստանի և Ադրբեջանի միջև զինվորականների գծով պետք է անհապաղ հանդիպում անցկացնել՝ քննարկելու համար հրադադարի վերահսկման մեխանիզմը։
«Դեռ, ինչքան մեզ հայտնի է, նման աշխատանք չի տարվում։ Մենք հույս ունենք, որ արագ կմշակվի նման մեխանիզմ»,-ասել է Զախառովան:
